الكبيبة الشامي

الكبيبة الشامي

🎀نصف كيلو لحم صااااافي تماما من الدهون ومفروم

او نصف كيلو صدور دجاج مفرومة

متجيبيش مفروم جاهز لانه بيدخل فيه اوراك وفيها دهون

🎀كيلو برغل لبناني او تركي هما الافضل مغسول كويسسس و منقوع في ميه يادوب تغطيه لحد مايشربها

وبعدين تصفيه تماماااا وتعصريه بايدك كويس

🎀افرمي اللحمة او الفراخ وافرمي البرغل لوحده 

وبعدين ارجعي افرميهم الاتنين مع بعض

🍠هنا ممكن تضيفي بطاطساية كبيرة مسلوقة بتخلي الكبيبة تقرررررمش ولونها دهبي جميل

🎀حطي بصلة كبيرة في الكبة وافرميها كويس جدا وضفيها عليهم واعجني كويس 

🎀حطي بهاراتك ملح وفلفل وبهار مشكل وبردقوش 

🎀اعجنيها كويس اووووي ولو عاوزة تديها لفة كمان في الكبة يكون احسن

🎀لازم تريح في التلاجة ساعتين عالاقل علشان متكونش مخرزة

🎀عصجي لحمة مفرومة وضيفي لها عين 🎀جمل مجروش خشن او صنوبر او فستق حلبي او من غير لو تحبي براحتك

🎀جهزي جمبك طبق فيه مية متتتلللجة وبلي ايدك وشكلي واحشي وقفليها

🎀ريحيها تاني في التلاجة بعد التشكيل

🎀هتيجي للقلي

لازم تكون حلة عميقة ومش استانلس لانه بيوصل الحرارة ببطء فممكن تفك

🎀حطي كسرة خبز واول ماتتحمر وتطفو على الزيت يبقا كده الزيت جاهز 

نزلي الكبة ومتمليش الحلة علشان الزيت ميبردش

🎀اقليها لحد ماتاخد لون دهبي وطلعيها على ورق نشاف وقدميها مع سمبوسة وبطاطس مقلية كمقبلات

🎀طبعا الكمية دي هتعملك كتيييير فلو عاوزة تخزني

يبقا هتشكلي وتحطي على صنية مفردين وتدخليهم الفريزر يجمدوا 

وبعدين تعبيهم في كيس