لسان الطير

لسان الطير 

1كيلو الطحين.8معالق كبار جنجلان محمر ومطحون جيدا ومغربل مزيان. رشة ملح.1اصفر البيض(كنستعمل اصفر البيض فقط).كاس صغير الزبدة الذايبة.كاس صغير الزيت.نصف كاس صغير الخل.نصف كاس صغير ماء الزهر.ملعقة صغيرة القرفة(اختيارية تقدرو تستغنو عليها).زعفران شعرة مطلوق في شوية الماء.(لاعطاء اللون)1خمارة 7غ.والماء البارد 

نخلطو المكونات اليابسة  نزيدو الزيت والزبدة ونبسس مزيان وكنضيفو المقادير المتبقية وتعجن بحال المسمن تكون قاصحة شوية نعملو منها كورات صغيرة نغطيوهم  ونخلوهم يرتاحو 30 دقيقة  نطلقهم بالمدلك تكون الورقة رقيقة ونصهدها في المقلة المسمن منخلوهاش حتا تحمر غير تصهد ندهنها بالزيت ونغطيوهم حتا نكملو 

وكتلفيهم وتسديهم بالخليط ديال الطحين والماء في الاخير ونقطعهم بالمقص على شكل مائل ونقليوهم في الزيت على درجة حرارة متوسطة ويتطغو في العسل بارد وهما سخونين باش يشربو العسل مزيان ونرشهم بجنجلان او اللوز