طريقة عمل المقلوبة

طريقة عمل المقلوبة

المقادير

🍖باذنجان شرايح مقلي

🍖بطاطس شرايح مقلية

🍖بصل مقلي زي بتاع الكشري 

🍖لحم او دجاج متشوح مع بصلة مقطعةوبهار مشكل وقرفة عودان وقرنفل وحبهان وبعدين تضيفي المية وتسلقيه

🍖مقدار الرز المناسب ليكم مغسول ومتصفي كويس وتحطيه في طبق غويط وتحطي عليه البهارات دي

كاري وكركم وقرفة مطحونة وبهار مشكل ورشة من البابريكا الحلوة او الحارة براحتك

🍖التطبيق بقا

🍡هتاخدي حبة من الرز تحطيهم في قاع الحلة علشان الخضار ميلزقش

🍡ترصي فوقيهم البطاطس المقلية حلقات على الاطراف

وفي النص تحطي اللحمة

وترصي البادنجان حاولي توقفيه عالجناب علشان يبقا شكله حلو

وتحطي البصل المحمر على وش اللحمة

وتحطي الرز فوقيه

وتاخدي الشوربة بتاعت سلق اللحمة وتسقي بيها الرز بس تشوفي ملحها وتزوديه شويه علشان الخضار

وتظبطي الشوربة عادي للرز واول ماالشوربة تنشف وطي النار خالص وسيبيها تستوي

وبعد ماتطفي سييبها حوالي ربع ساعة علشان لما تقلبيها تكون متماسكة 

وبس كده

 بالهنا والشفا